മുടി കൊഴിയുന്നുണ്ടോ? കാരണങ്ങൾ ഇവയാണ്‌

മുടി കൊഴിച്ചിലും ആരോഗ്യവും തമ്മില്‍ വളരെ അടുത്ത ബന്ധമാണ് ഉള്ളത്. എന്നാല്‍ പലപ്പോഴും മുടിയുടെ പ്രശ്‌നങ്ങളെല്ലാം തന്നെ പലപ്പോഴും സൗന്ദര്യസംരക്ഷണത്തിന്റെ പരിധിയില്‍ വരുന്നതാണ് എന്ന് പറഞ്ഞ് പലരും അത്ര പ്രാധാന്യം നല്‍കുകയില്ല. ആരോഗ്യത്തിന്റെ കാര്യത്തില്‍ അല്‍പം ശ്രദ്ധിക്കുന്നത് മുടി കൊഴിച്ചില്‍ രൂക്ഷമാവുമ്പോള്‍ തന്നെയാണ്. മുടി കൊഴിച്ചിലിനെ പറ്റി പരാതി പറയുന്നവര്‍ ഇനി അല്‍പം ശ്രദ്ധിക്കണം. കാരണം ഇത് വെറും ഒരു സൗന്ദര്യ പ്രശ്‌നം മാത്രമാക്കി മാറ്റരുത്. കാരണം ആരോഗ്യത്തിന്റെ കാര്യത്തില്‍ ശ്രദ്ധിക്കുന്നവര്‍ത്ത് മുടി കൊഴിച്ചില്‍ എന്നും ഒരു വില്ലന്‍ തന്നെയാണ്. സ്ത്രീകളിലും പുരുഷന്‍മാരിലും ഈ പ്രശ്‌നം ഉണ്ടാവുന്നു. ഇത്തരം പ്രതിസന്ധി വെറുതേ അങ്ങ് വിട്ടാല്‍ അത് ആരോഗ്യത്തിന് ഗുരുതരമായ പ്രതിസന്ധികള്‍ ആണ് ഉണ്ടാക്കുന്നത്.

മുടി കൊഴിച്ചിലിന്റെ പ്രധാന കാരണം താരന്‍, വെള്ളത്തിന്റെ ഉപയോഗം, എണ്ണ തേക്കാത്തത് എന്നതൊക്കെ ആണെന്ന് വിചാരിക്കുന്നവര്‍ ചില്ലറയല്ല. എന്നാല്‍ അല്‍പം ശ്രദ്ധിച്ചാല്‍ ഇതൊന്നും അല്ലാത്ത പ്രതിസന്ധികള്‍ മുടി കൊഴിച്ചിലിന് പിന്നിലുണ്ട്. അത് എന്താണെന്ന് നിങ്ങള്‍ക്കറിയാമോ? മുടി കൊഴിച്ചില്‍ പലപ്പോഴും അനാരോഗ്യത്തിന്റെ ലക്ഷണം കൂടിയാവാം എന്നത് മറക്കരുത്. എന്തൊക്കെ ആരോഗ്യകരമായ പ്രതിസന്ധികളാണ് മുടി കൊഴിച്ചില്‍ രൂക്ഷമാവുമ്പോള്‍ പുറത്തേക്ക് വരുന്നത് എന്ന് നോക്കാം.

അലോപേഷ്യ ഏരിയേറ്റ

പേര് കേട്ട് നിങ്ങള്‍ ഞെട്ടണ്ട, ഇതിന് പിന്നില്‍ അതിരൂക്ഷമായ മുടി കൊഴിച്ചില്‍ തന്നെയാണ്. ഇത് നമ്മുടെ രോഗപ്രതിരോധ ശേഷി കുറവാണ് എന്നതാണ് സൂചിപ്പിക്കുന്നത്. ഇതിലൂടെ ഹെയര്‍ഫോളിക്കിളുകള്‍ക്ക് കോട്ടം സംഭവിക്കുന്നു. ഇതാണ് പലപ്പോഴും മുടി കൊഴിച്ചിലിന്റെ പ്രധാന കാരണം. പലരും അതിനെ അത്ര ഗൗരവത്തോടെ കാണുന്നില്ല എന്നതാണ് സത്യം. പക്ഷേ മുടി കൊഴിച്ചില്‍ അതിരൂക്ഷമാവുമ്പോള്‍ ഇത്തരം കാര്യങ്ങള്‍ അല്‍പം ശ്രദ്ധിക്കണം അല്ലെങ്കില്‍ അത് തലയിലെ മുടി മുഴുവന്‍ കൊഴിക്കുന്നു.

പിസിഓഎസ്

സ്ത്രീകളില്‍ ഹോര്‍മോണ്‍ ഇംബാലന്‍സ് ഉണ്ടാവുമ്പോഴാണ് ഇത്തരം ആരോഗ്യ പ്രതിസന്ധികള്‍ ഉണ്ടാവുന്നത്. ഇത് ആര്‍ത്തവത്തിനെ പ്രശ്‌നത്തിലാക്കുന്നു. പലപ്പോഴും അതി രൂക്ഷമായ മുടി കൊഴിച്ചിലാണ് ഇതിന്റെ പ്രധാന കാരണം. അതുകൊണ്ട് തന്നെ ഇത്തരം കാര്യങ്ങളില്‍ വളരെയധികം ശ്രദ്ധിക്കണം. അല്ലെങ്കില്‍ അതുണ്ടാക്കുന്ന പ്രതിസന്ധികള്‍ നിങ്ങളെ വന്ധ്യതയിലേക്ക് വരെ നയിക്കുന്നു. ഹെയര്‍ ഫോളിക്കിളുകളെ ഇത് വളരെ പ്രതികൂലമായി തന്നെ ബാധിക്കും.

പ്രോട്ടീന്റെ കുറവ്

പ്രോട്ടീന്റെ കുറവ് ശരീരത്തില്‍ പല വിധത്തിലുള്ള പ്രതിസന്ധികളും ഉണ്ടാക്കുന്നു. എന്നാല്‍ അതിന് പരിഹാരം കാണാന്‍ പ്രോട്ടീന്‍ അടങ്ങിയ ഭക്ഷണം ധാരാളം കഴിക്കാന്‍ ശ്രദ്ധിക്കുക. പ്രോട്ടീന്‍ ശരീരത്തില്‍ കുറവാണെങ്കില്‍ അത് പലപ്പോഴും മുടി കൊഴിച്ചില്‍ രൂക്ഷമാവുന്നതിന് കാരണമാകുന്നു. ഇത്തരം കാര്യങ്ങളില്‍ അല്‍പം ശ്രദ്ധിച്ചാല്‍ മതി. അല്ലെങ്കില്‍ അത് കൂടുതല്‍ ആരോഗ്യ പ്രശ്‌നങ്ങളിലേക്ക് നിങ്ങളെ നയിക്കുന്നു. പ്രോട്ടീന്‍ അടങ്ങിയ ഭക്ഷണത്തിന് വളരെയധികം പ്രാധാന്യം ഭക്ഷണശീലത്തില്‍ നല്‍കുക.

സിങ്കിന്റെ അഭാവം

ശരീരത്തില്‍ സിങ്കിന്റെ അഭാവം ഉണ്ടെങ്കില്‍ മുടി കൊഴിച്ചില്‍ വളരെ രൂക്ഷമായിരിക്കും. ഇത് നിങ്ങളുടെ പുരികവും കണ്‍പീലിയും വരെ കൊഴിയുന്നതിന് കാരണമാകുന്നു. കോശങ്ങളുടെ പുനരുജ്ജീവനത്തിന് ഏറ്റവും അത്യാവശ്യമായി വേണ്ട ഒന്നാണ് സിങ്ക്. അതുകൊണ്ട് തന്നെ സിങ്ക് അടങ്ങിയ ഭക്ഷണം കഴിക്കുന്നത് നല്ലതാണ്. ഇത് മുടികൊഴിച്ചില്‍ ഇല്ലാതാക്കുന്നതിന് സഹായിക്കുന്നു. മാത്രമല്ല ആരോഗ്യത്തിനുണ്ടാവുന്ന പല അസ്വസ്ഥതകള്‍ക്കും ഇതിലൂടെ നമുക്ക് പരിഹാരം കാണാവുന്നതാണ്.